立法會議員葛珮帆（EQ）同粵劇名伶蓋鳴暉（Joyce）早前一齊出席西貢區恭祝天后寶誕演劇酬神典禮，二人一見到對方即時嚟個深情擁抱，搞到台下戲迷嘩嘩聲大叫，原來佢哋嘅交情，係同十大傑出青年有關。Joyce解釋，其實佢同EQ都係○一年當選十大傑出青年，所以一早就老友鬼鬼，EQ之後仲講笑話未試過喺台上畀咁俊俏嘅書生抱抱，睇怕啲戲迷一定會呷佢醋喎。既然EQ同Joyce早有交情，唔知將來EQ有機會踏台板表演時，會否考慮搵Joyce過兩招畀佢呢？
