政情：公民講場：廢官遺爛鑊連累高永文

「廢官」平等機會委員會主席周一嶽之前任職食物及衞生局局長多年，劣迹斑斑，醫療事故尤其多，屢爆傳染疫症、手術及藥物處理出錯唔在講，打錯針、輸錯血、錯調女嬰及灼傷男嬰呢啲嚴重事故都曾發生，否則又點會曾有班受害者嘅家人成立「反醫療失誤大聯盟」，向社會大控訴，要求呢位廢官落台呢！以為隨着廢官離任，事故都少啲，點知廢官積聚多年嘅功力太深、架生太多，不知不覺就漏低咗啲畀高永文醫生。睇嚟高醫生要先進行大檢視，否則都唔知廢官仲漏低幾多嘢喇。