政情：收料站：抗衡民主阿婆鼠王芬想搞新平台

討論政改 以學者為重心

消息指，建制開明派嘅學者，眼見政改討論一切以政治掛帥，擔心一旦特首普選落實後，民粹主義會迅速抬頭，正醞釀學界沉默嘅一群站起來，制訂同時考慮經濟及政治方面影響嘅政改方案：「我哋係想諗個可行嘅方案，而非山埃嘅方案。」

據聞呢個新政改平台以華人學術網絡成員為基礎，所以梁美芬、科大工商管理學院院長鄭國漢等人好大機會加入，又傾向不設立召集人，以視各人平等參與。

話時話，梁美芬等人網羅晒有商界聯繫同熟悉經濟嘅學者，矛頭直指包裝關注商界聲音嘅民主阿婆。民主阿婆如果有自知之明，都係快啲將自己個平台「摺埋」，否則連最後生存空間都被趕絕先草草收場，就認真肉酸喇！