古典美人 肖雨軒

一臉楚楚可憐嘅古典美人樣子,配以令人流晒口水嘅35吋E級胸部,兩者所產生嘅化學作用,絕對唔講得笑。喺北京就有位新進模特兒,有齊晒呢兩種特質,佢嘅名字叫肖雨軒,係咪聽個名就已經夠晒典雅呢?

超凡脫俗

肖雨軒人如其名,外貌成個古典美人咁樣,當彈奏佢最擅長嘅樂器古箏時,更係人景合一,以為自己穿越時空,返咗去舊時嗰度。呢位就讀中央戲劇學院嘅女生,畢業後全力喺演藝圈發展,由於樣子清秀,深受廣告商嘅歡迎,一口氣拍咗幾個大公司嘅廣告,跟手更接受雜誌邀請,拍咗幾輯超性感嘅寫真,令人眼界大開。雨軒胸部有35吋E級,加上173cm嘅身高,一雙42吋以上嘅修長美腿又白又滑,真係吸引死人,最重要係樣子超凡脫俗,夾起嚟嘅效果真係與眾不同。

多才多藝

我哋一輪嘴讚雨軒嘅樣子身材,其實佢仲係一個多才多藝嘅女生,除咗彈古箏外,佢仲能歌善舞,不時上電視節目或喺大型活動上露兩手,演出深受好評。有記者問佢點解會咁叻?佢話自小就對唱歌有興趣,但冇跟老師學過,至於跳舞,可能一直有玩瑜伽,身手比較靈活,只需演出前跟排舞老師練一下就可以出場!此外,雨軒嘅口才一樣十分了得,周不時做埋節目或者活動主持,單係接騷都接到手軟,但佔佢一半工作量嘅仲係拍電影電視,雨軒出道不到兩年,拍咗超過五部以上嘅影視作品,可想而知佢有幾忙。人氣咁盛,好快就會升上一姐地位!

專屬網站

簡介:雨軒出道日子尚淺,而且過半時間都喺度拍劇,所以寫真不多,大多數嘅作品都放咗喺呢個網站裏面,值得大家坐定定瀏覽。

網址:www.moko.cc/d0e85236ee7440c8867ddacefed1975f/

龍四海