周小姐（秘書）：立法會係時候剪布啦，其實拉布呢大半個月提出咁多項修訂，對我哋一啲益處都冇，反而再唔剪就會令公立醫院同大學拎唔到撥款，令政府同市民都損失好大。
尹先生（零售業）：好多國家嘅少數派議員想為市民發聲，通常都會用拉布抗爭。今次同上次一樣無理剪布，只會令香港變得更唔民主，影響所有人嘅全民退休保障又唔知要等到幾時先可推行。
佘小姐（珠寶業）：（拉布）件事令我覺得好煩，覺得某啲議員似有心搞事，其實明知拉布落去都係無意思，就算有訴求，點解唔動議另外再傾？咁樣拖法都係浪費公帑，同意應快啲解決。
