政情：又有呃錢電郵 哪吒都敢搞？

哪吒透露，今次誤中黑客炸彈嘅電郵戶口儲存咗幾萬個電郵地址，好多朋友、居民都驚佢真係出事，更有遠至英、美嘅朋友問候佢，「話可以安排錢畀我」，搞到佢同議員辦事處嘅同事，全日掛住接電話都冇時間分身做嘢。哪吒除咗報警追蹤黑客源頭，並喺社交網站提醒大家「哪吒電郵騙局，請勿相信！」

質疑異見團體所為

對於點解會中招，哪吒質疑有政見唔同嘅團體，見佢平日為居民「伸張正義」睇唔過眼，借「打手」入侵電郵戶口打擊佢，但佢就堅持唔會被整蠱到咁話。

其實唔只哪吒受害，灣仔區議員李碧儀前年都被黑客入侵電郵戶口，訛稱喺蘇格蘭被洗劫，同樣要求匯款二千幾歐元到指定戶口。所以話呢，橋唔怕舊，最緊要受，真係冇錯。