周六清晨，不少人仍在夢鄉，但身材高大的Harris已精神抖擻在灣仔「酒吧街」一帶「開工」。拆開膠袋、執起玻璃樽、放入回收籮、再倒入回收車，Harris都十分「熟手」，不消一會兒就裝滿整架回收車。半小時後，Harris又趕到中環上樓下樓，對玻璃樽分類回收不遺餘力，但Harris面上除了汗水，還有滿足的笑容。

銀行高層 不嫌污穢做義工

假日化身熱心義工，Harris平日也是個忙碌城市人。三年前從美國回流香港的Harris操流利英語，現於一間美國銀行身居高位，又不時要離港工作，但只要他一有空就會參與玻璃樽回收行動，難怪深得計劃負責人讚賞。Harris不諱言，在日常生活中亦會做好垃圾源頭分類，「喺美國嗰時，人人都係咁，（垃圾分類）係一個習慣。」

回收的玻璃樽可再造成環保磚。

April希望更多酒吧食肆及市民參與玻璃樽回收計劃。

回收過程中不時要「摷」又髒又臭的垃圾，且「工作環境」多在污水橫流的後巷，但平日坐慣辦公室的Harris卻毫不介意：「我知道自己點解要咁做，所以唔介意！」環境惡劣沒有打擊到Harris，但一些酒吧老闆的態度才叫人灰心，「分開啲垃圾同玻璃樽係好簡單嘅事，點解咁都唔做？」

本地玻璃樽回收進行近三年，Harris坦言希望更多義工加入，亦期望政府立法關注：「（垃圾）開頭的確需要收費，外國都有，好似膠袋稅咁，慢慢改變佢哋（市民）嘅思想，等佢哋（市民）習慣（分類及回收）。」十數分鐘的訪問後，Harris又埋首執樽，遠處可見他推回收車的身影。

文：馬鳳玲／圖：甘偉倫

提名熱線:3600 9999

Fax:3600 9900

E-mail:like@on.cc

逢周日刊出