曾擔任過食物及衞生局副局長同特首辦主任嘅梁卓偉，依家就算去咗做香港大學社會醫學系系主任，仍然心繫市民。話說佢尋日出席一個電台節目時，再從醫學角度去解釋政府解決貧富懸殊嘅必要。
佢話好多調查結果都顯示，窮人患上血壓高、中風及心臟病等症狀嘅機會比有錢人高，而長期心情低落、生活壓力大亦會增加患病機會，所以家人嘅支持對紓緩日常嘅壓力都好重要。梁卓偉仲話：「Family（家庭）嘅英文字串法可拆開做Find A Moment to say I Love You（尋找一刻去講我愛你）」，所以叫大家多啲分享心底說話畀家人聽喎。梁卓偉講得都幾有道理㗎，但唔知佢呢啲說話，有冇喺做特首辦主任嘅時候講畀前特首「貪曾」曾蔭權爵士聽呢？定係「貪曾」霸權唔聽意見，所以梁卓偉索性唔講呢？
