渡海濠情：貧富不拘 着眼有情趣

睇錢份上

聽到丹丹咁講，老實講真係唔係好信，事關家陣嘅女仔知道你冇樓又冇車，想佢同你一齊？難！丹丹點頭話：「雖然我唔係好鍾意呢種睇法，但呢個確係事實，而我身邊就有唔少女仔就係因為睇中男友荷包同佢一齊，甚至答應結婚。不過呢種建基於金錢嘅關係，卻往往因為金錢而分開，你話呢種生活幸唔幸福呢？」丹丹仲話影響嘅唔單止係大家嘅關係，最慘就係有米男友經常花天酒地，返到屋企冇貨交，搞到佢啲姊妹要食自己，又唔敢同其他人講，呢種感覺至係悲，因此佢話有米難買幸福性關係喎！

幸福要緊

雖然丹丹講到冇銀唔緊要，最緊要有個真心鍾意自己嘅男友，但現實係男人天生都鹹濕，難保以後個窮男友唔會出去滾喎！丹丹就話：「以後嘅事邊話得埋，更何況若然佢係真心鍾意你嘅話，一定唔會出去滾，就算滾都唔會話畀你知，我又覺得冇問題。」男友去滾都得？丹丹解釋：「男人逢場作戲嘅嘢我見盡晒，男人去滾只不過為咗滿足一下自己嘅慾望，而一講到要同囡囡雙宿雙棲，好多男人情願返去搵番自己隻乸。既然係咁嘅話，我又使乜擔心呢？反而係男人滾還滾，返到嚟屋企一定要有貨交，否則唔幸福嘅性生活，想幸福都難。」

丹丹Profile　　

身高：5呎5吋

三圍：33、22、33

撰文：魂

攝影：程