政情：公民講場：貪曾搞臭香港 廉署口硬腳軟

「貪曾」前特首曾蔭權爵士在任時貪盡海陸空、歎盡省港澳，貪腐之名臭名遠播，除咗拖累香港喺國際嘅廉潔度排名下跌外，「貪曾效應」亦間接推高政府部門嘅貪污舉報數字。貪污問題諮詢委員會主席史美倫尋日匯報本港今年貪污舉報數字時，承認本港嘅廉潔度排名下跌，係受個別數宗高官涉貪事件影響。唔使畫公仔畫出腸，呢數宗高官涉貪事件，貪曾一定有份，搞到香港污穢不堪。史美倫仲形容今年廉政公署充滿挑戰添！只可惜廉署面對挑戰就腳軟，對於調查貪曾嘅貪腐行為一直毫無寸進，難為廉署仲宣傳話要「維護廉潔香港」，真係得啖笑！