在三月特首選舉中落敗嘅唐英年（唐唐），最近同太太疏乎暢遊南美，有人仲話佢呢段時間身在南極睇企鵝添！不過，特首梁振英（CY）周一出席立法會答問大會為其山頂大宅僭建風波解畫期間，就有議員喺會議廳不斷播放唐唐喺競選論壇講過嘅「你呃人！」經典錄音，而前日舉行嘅施政報告及財政預算案諮詢會，仲有示威者戴上唐唐嘅面具，估唔到唐唐身在南極，聲音同臉孔都熱爆政圈。
網民惡搞改圖
尋日就有網民為此惡搞改圖，將唐唐置身在南極雪地，身旁仲有隻企鵝，佢大嗌：「你呃人！你講緊大話！你乜嘢都講大話！」非常搞笑。