政情：無視民意 錢果豐續掌港鐵

港鐵「票價可加可減機制」，話就話可加可減，但近年就永遠都有加冇減，即使港鐵年年賺大錢，港鐵仍會堅決加價，令市民怨聲載道。喺龐大民意壓力下，政府早前開始就呢個機制進行公眾諮詢，將於下月中結束。有政界中人料，錢果豐再獲委任，除咗因港鐵不斷賺錢，港鐵要依賴佢同各界周旋，力保可加可減機制先係主因。

工聯會立法會議員鄧家彪就質疑，政府委任多位社會上知名人士入港鐵董事局，但佢哋就好似冇從小市民的利益出發。錢果豐連任已成定局，到底佢未來表現會如何？大家真係要(目及)實喇。