政情：田二少睇淡市道唔「追租」

睇得咁淡，唔通田二少有水晶球，可以睇通未來經濟環境？當然唔係啦，原來田二少叫班員工賣衫時，順便做埋數據分析，問顧客幾條簡單問題，如果係個人遊就將資料輸入電腦。田二少話就係咁樣統計，知道今年第三季嘅個人遊生意比去年大跌四成，所以佢先至決定全部舖位唔「追租」。

田二少平時身光頸靚，連印張卡片都唔同過人，人哋個個用白色做底色，佢就用灰色，而且張卡片仲要係撕極唔爛。至於點解咁做，田二少話自己做時裝起家，點都要與別不同喎。