中環出更：吳嘉汶棄律師轉做月老

Rendy話，自幼已經好想做律師，所以當年一邊返公司幫手，周日仲返律師樓繼續工作，直至後來分身不暇至放棄做律師。心思細密向來係女孩子嘅優點，Rendy就好識得發揮喺工作上，佢賣首飾之餘，仲有更體貼嘅服務，就係教埋男士點樣求婚可以浪漫啲，增加成事機會，結果對方一擊即中，仲返嚟再幫襯佢買結婚首飾。Rendy話最難得係見證住顧客嘅成長，分享佢哋嘅生活點滴，相當有意義。

工作有成績 勇奪獎項

工作成績有目共睹，Rendy早前獲基本法委員會副主任梁愛詩提名，勇奪「香港工商業獎：顧客服務優異證書」。Rendy家族嘅珠寶店本來以批發為主，獲得呢個獎，絕對喜出望外。