政情：博愛搞網上歌唱比賽

參賽者可自錄靚聲放上網，裁判將喺網上進行初賽，參賽者直至複賽先至需要現身香港，所以參賽者唔受地域限制。咁有諗頭嘅籌款活動，博愛總理兼昇望娛樂行政總裁李培嘅功勞唔少，出錢合辦嘅朱華樹總理就呼籲，對樂壇有憧憬嘅年輕人就要把握機會。

日前一眾博愛董事局成員現身「飛躍音樂傳博愛（省港澳）歌唱大賽」啟動禮，主席潘德明話，咪睇小積少成多嘅威力，北望神州，如果有一萬人報名，善款就過百萬喇。前博愛主席兼北區區議員葉曜丞都現身撐場，原來昇望娛樂董事葉思俊（Chris）係佢兒子。Chris話，希望藉住音樂結合慈善發掘明日之星，唱得之人千祈咪埋沒才華。