冷氣機滴水冇人理
冷氣機滴水如雨下，不但影響衞生，亦嚴重滋擾途人。居於荃灣的黃太指出，路德圍一舊唐樓有住戶的冷氣機長期滴水，令途人不勝其擾，「成日都係咁滴，次次行過嗰度都要開遮！」
食環署發言人表示，接獲轉介後派員調查，發現一單位冷氣機滴水，已向有關住戶發出口頭警告，並發出妨擾事故通知，要求住戶在指定時間限內妥善修理冷氣機，以減除滋擾。該署將繼續留意上述情況及採取適當行動。
「唔好睇小冷氣機滴水嘅問題，滴水整到地面好濕滑，萬一有人跌親就可大可小！」黃太希望食環署加強跟進，並促有關住戶盡快維修冷氣機，避免令途人繼續受滴水滋擾。