九月立法會選情繃緊，候選人個個為咗爭取政治籌碼，都扮晒同政府劃清界線，令施政舉步維艱。行政會議成員張志剛尋日出席一個討論新政府開局問題嘅論壇時話，相信九月選舉後嘅情況會好啲，政府可以做到實事，因為九月前樣樣嘢都政治化，各政黨亦都明白，未來四年點都要同政府充分合作，冇可能永遠只係對抗。張志剛一針見血，清楚咁點出啲政黨猛抽政治油水，唔肯做實事，所以選民真係要認清政黨嘅真面目。
