路邊花盆光禿 醜化香港市容
上環荷里活道一帶為旅遊觀光區，每日有不少旅客到訪。康樂及文化事務署為美化環境，特意於行人路欄杆設約六十個花盆，但黎小姐早前發現，近美倫街一段有數個花盆光禿禿，有大殺風景之嫌，「有幾個花盆根本就冇種植物，有嘅都枯晒，完全係醜化環境！」
康文署發言人解釋，原有八盆洋鳳仙種於上址，估計或受附近進行挖路工程所產生的廢氣影響，生長欠佳，當局日後會加強留意植物生長情況，並會在有需要時增加更換植物的次數。發言人又補充，有關洋鳳仙於今年三月中種植，已於五月底更換。
「咁做會唔會太浪費我哋納稅人嘅錢呀？種兩個月就枯晒要換，仲話需要時再換密啲，種花唔使錢咩？」黎小姐坦言對康文署的回應大表不滿，認為康文署須改變「大花筒」作風。