四度扮喊無淚 卿姐鬧戲屎
【本報訊】短短僅約個半小時的答問大會，曾蔭權為求脫罪博同情，四度眼紅紅疑似哽咽，企圖藉此掩飾其貪婪罪行，連同上次答問大會及見記者回應審計署報告，先後合共六次扮喊，惟始終谷不出一滴眼淚。曾蔭權又楚楚可憐地強調，犯過的錯誤不會重犯，「盡量唔坐私人遊艇，唔會坐人飛機」，但他「錯完一樣、又錯第二樣」的行徑，貪盡海陸空之後又用公費豪遊南美，即使他真的淚流滿面，市民亦難以原諒他。
「咁樣係唔會足夠」
曾蔭權昨於答問大會繼續扮可憐，回答首條由體育界議員霍震霆提出的問題時已嘗試谷淚。接着提問的民主黨副主席劉慧卿見狀迅速扯火，踢爆他根本毫無歉意，「想喊又喊唔出嘅樣，市民話畀我哋聽，咁樣係唔會足夠㗎！」她要求貪曾立即下台回水，以行動表示懺悔。
貪曾其後在回答民協馮檢基的提問時再次谷眼淚，但卻因用詞不當被社民連梁國雄當場打斷，指他用錯「遐想」一字。及後他被民主黨李華明質問「對唔住」香港弱勢社群、以及在答問大會結束前作最後總結時，再兩度試嘗扮喊，但始終未能交足戲谷出眼淚。
曾蔭權在回答建制派提問時，再以「經一事長一智」形容自己，暗示他每次只會犯一次錯，之後便會改正，並非大惡不赦：「我已經停咗吹口哨，自從嗰次（本報踢爆他接受富豪款待）之後，都無同所謂有錢佬去澳門，盡量唔坐私人遊艇，唔會坐人飛機。」不過，之後又再揭發濫用公帑瘋狂外訪及豪住總統套房，貪腐醜行日日新鮮，改之不絕。