中環出更：收CELINE手袋 梁寶珠甜在心頭
母親節過後，唔少媽咪大豐收，保良主席梁寶珠（Jacqueline）都收到「包包」，囡囡林玉茵(Maya)專程從外國訂來CELINE最新款TRAPEZE系列墨綠色蛇皮手袋，氹到媽咪笑唔停。
佳節當日，兩母女孖住出席婦女活動，Jacqueline急不及待騷CELINE新手袋，配埋一件MAX MARA花衫，一臉自豪。佢讚囡囡有眼光，知佢心水，會將個手袋珍而重之。
除咗送禮之外，Maya又帶媽咪去中環試意大利餐廳LUPA。原來Maya當年留學紐約，曾經幫襯過，近日星級名廚Mario Batali喺香港開首間LUPA，一於試真啲。Jacqueline大讚意大利火腿有水準，Maya就話喜歡意粉夠彈牙。
Jacqueline上任保良後，忙得不可開交，單是簽文件已花掉近兩小時。每日忙到無暇食晏，返到屋企，亦要直踩至凌晨兩點。所以話，女強人唔易做。