政情：朱曦請十大父親遊台

朱曦話，台北駐港機構已有近半世紀歷史，九七年曾經連續十年表揚「炬光母親」，○七年因故停辦。今次捲土重來，歌頌父親，特別委託十八區嘅區議員及社福機構，齊齊發掘城中偉大父愛事迹。獲表揚嘅十名偉大爸爸，八月初可以帶同一名親友免費遊台灣三日添！

咁擁有一對寶貝女兒嘅朱曦，又為自己打幾多分？朱曦笑稱唔敢為自己評分，不過查實佢喺囡囡心中，係一百分爹哋。事關佢最近喺即將大學畢業嘅囡囡網誌中，發現阿女心目中最值得效法嘅人，竟然唔係孫中山先生，而係爸爸，令佢受寵若驚。