花圃光禿禿土木署冇修
張小姐每天上班均會途經佐敦道，早前發現有路旁花圃被破壞得體無完膚，逾兩個月仍未見復修，花圃一直以「光禿禿」態示人，「一日兩日都算，個花圃兩個幾月都冇種番花草，如果冇人理不如索性改建咗佢就算！」
土木工程拓展署發言人表示，上述花圃內的植物屬部門轄下綠化工程，於發現植物被破壞後，已即時安排承建商跟進及更換植物，惟礙於天氣寒冷影響植物培植，以及長假期關係，兩個月後始完成更換。發言人強調，承建商每星期皆會為植物澆水兩至三次，並有施肥及護理，倘發現植物枯萎或被破壞，即會作出更換。
「要做邊有理由話做唔到呀，根本就係藉口，擺明就係歎慢板啦！」張小姐對於土木署回覆深感不滿，更質疑部門管理綠化工程能力，「如果唔熟手就交番畀其他部門做啦，搞到個花圃咁肉酸，講咩綠化喎！」