探射燈：港足浴店：極重視衞生情況
就內地有人疑在足浴後患上性病病毒，身兼足浴師在旺角經營足浴店的楊先生強調，對店舖衞生十分重視。「我哋浸腳用嘅膠袋，一定係全新，而且一用即棄；毛巾用完後會用消毒藥水清洗，跟住用高溫烘乾殺菌，然後存放喺乾爽地方。」楊指，客人浸腳後，店舖技師除了會為客人腳部及工具消毒外，技師更會在按摩前消毒雙手，避免交叉感染。
另外，有深圳大型按摩場負責人表示，該店的毛巾必定是「一客一用」，用後亦會把毛巾交由洗衣店消毒清洗，浸腳用的膠袋亦為全新，浸腳盆亦會每晚徹底清洗。
深圳店舖指有清潔程序
他稱，按摩場會為足浴技師訂下一套清潔削皮工具的程序，確保每次用完後都會消毒，保證衞生。
市民點睇
孫小姐（銷售）：「吓？唔係嘛，聽到都覺得恐怖。平時一個月會去成三、四次（按摩），全身同腳底都有，以後惟有搵大間嘅店啦。」
馬先生（保安工程）：「本身都唔會返內地做按摩，因為質素冇保障，又成日呃鐘，衞生呢啲嘢好基本，冇諗過咁都會有事。」