前中信泰富主席榮智健（榮太子）喺三年前中信泰富爆煲後，一直好少公開露面，只係間中現身馬場，但尋日下午約三點四十五分，卓妮就見到一頭白髮嘅榮太子喺中環太子大廈對面嘅酒店門口等司機接載。唔知係咪勞動節假期前夕交通擠塞，佢要苦等司機近十五分鐘，期間好唔耐煩行來行去，又用手托住下巴，最後仲等唔切司機埋線，就行出雙黃線度上車，唔知咁急趕住去邊呢？
