中環出更：王賢訊負笈美國 冇諗過槍械問題

佢又講起，爸爸王忠秣曾經係仁濟醫院主席，所以學成返港之後，就加入咗仁濟醫院董事局成員，仲做咗由仁濟海歸子女所組成嘅仁濟海外學生會，並擔任主席添。至於佢日後會否安排子女重複佢過去嘅經歷呢？佢就話由子女決定，如果願意加入仁濟就梗係最好啦！

鄧國樑唔想子女做斷線紙鳶

轉個頭又見到仁濟醫院總理鄧國樑，佢話，曾安排子女到英國讀書，喺國際排名上，香港嘅高等院校都有好高名次，教育水準唔錯，不過佢就好欣賞英國嘅校舍環境，同以學生為本嘅教育理念，加上英國人講嘅英語比較好聽，故此好多人都嚮往負笈英倫，但佢又話，唔想子女留學後成為「斷線紙鳶」，因此每逢聖誕或暑假等長假期，都要求子女返港團聚喎。

莊莎娜過去到澳洲留學，要花一段時間先至聽得明澳洲英文。

鄧國樑（中）曾要求喺英國留學嘅囡囡鄧德炘（左）每逢長假期都要返港團聚。右為鄧太。（徐家浩攝）

菁英會會員莊莎娜（Sarah）都有支持今次活動，佢講起，以前隻身去澳洲讀書，澳洲英文腔調特別之餘又會滲入當地土話，花咗好長時間才適應當地人嘅說話。對於近年華人留學生出現「圈子化」嘅現象，Sarah話絕不可取，如果去留學又唔願接觸當地文化，不如留喺家鄉仲好啦。

卓妮