部分轉軚挺梁
還記得喺一○年六月底，大輝牽頭聯合一大班區議員組成地區組織「C18」，被視為唐唐參選特首嘅衞星組織，有區議員成員私下表明已有晒心理準備為唐唐做事。不過，一切原來只係佢哋一廂情願，因唐唐喺去年九月底離開政府備選後，只係部分成員有份幫吓手，其他成員都被遺忘，有成員更連電話都無收過。
事實上，「C18」成員到選舉中段睇到唐唐民望每況愈下，已開始各有盤算，其中沙田區區議員龐愛蘭等人一早「跳船」支持梁振英，就連原來挺唐嘅十八鄉鄉事委員會主席梁福元，亦喺特首選舉後同梁營「大和解」，睇怕「C18」嘅歷史任務已經完成，面臨解體只係時間問題。