泊車位不足 房署捱轟
天水圍天晴邨入伙不足三年，邨內泊車位被指嚴重不足，房署更被質疑規劃失當。陳先生指天晴邨車位長期供不應求，不時須向鄰邨朋友借用地址租用鄰邨車位，「依家架車要泊隔籬邨，仲要係借人地址，有乜理由咁新嘅邨都規劃得咁差？」陳要求房署正視問題，並作改善。
辯稱曾諮詢部門訂數目
天晴邨物業管理公司發言人表示，屋邨興建時參照規劃署的「香港規劃標準與準則」，並曾諮詢有關政府部門以訂定車位興建數目。現時邨內共有一百二十九個車位，而鄰近的天悅邨亦預留一百二十個月租車位予天晴邨居民租用。發言人續稱，日後會留意住戶對停車位需求變化，並考慮可行的相應措施。
「天晴邨總共有七幢樓，得百幾個合法泊車位，天悅邨得五幢就有五百幾個車位，天澤邨直情將成層停車場畀馬會做投注中心，呢啲規劃真係好有問題！」當區區議員鄧焯謙批評房署建邨時規劃失當，令居民無位可泊，認為相關部門有責任盡快解決泊車位不足問題。