市民心聲
譚同學 中學生：「我支持梁振英，好高興佢當選，覺得佢能力高啲，響電視辯論亦表現得好好，希望佢上任後可以做個有誠信嘅特首。」
關同學 中學生：「梁振英一直好努力落區，今次當選係用實力爭取番嚟嘅，希望佢可以起多啲公屋，增加長者援助，關注多啲環保。」
黃先生 銷售員：「梁振英比較好，應變能力高，但擔心民怨太多會令政府管治有危機，希望佢解決雙非孕婦同自駕遊問題，爭取民心。」
黃先生 退休人士：「對梁振英嘅誠信有懷疑，擔心佢上任之後股市同樓市會跌，希望佢真係落實政綱，唔好講一套做一套。」
許太（左） 主婦：「擔心梁振英唔夠經驗管治香港，我有咗六個月身孕，公立醫院產檢嘅質素愈來愈差，最好加多啲資源去改善。」
陳太 電訊界：「我對梁振英嘅誠信有啲質疑，擔心以後嘅七一會有好多人上街，影響社會穩定，希望佢可以幫多啲我哋中產人士。」