政情：寶島天籟迷醉港名人

當晚現身嘅名人逼爆現場，包括歌喉迷人嘅「AO歌王」民政事務局常秘楊立門、震雄集團創辦人蔣震夫婦、馬會前行政總裁黃至剛、亞洲聯合財務老闆長原彰弘夫婦等。立法會議員劉慧卿、黃毓民都暫時收火，嚟享受天籟之音。

值得一提嘅係，日前訪港嘅台港經濟文化合作策進會董事長林振國亦現身捧場，光華主任張曼娟見到咁多人撐場，乜嘢辛苦都一掃而空。張曼娟話，上任之後就全情投入台灣月活動，令佢嘅生活好似只得呢件事咁，所以喺活動結束後，佢要周圍去睇吓，最期待下月揭幕嘅香港藝術節精彩節目。