貨車亂闖行人路警扮盲
貨車違規駛入壓毀行人路，警方竟視若無睹！上環居民方小姐發現，李陞街近日常有貨車違規駛入行人路，原本平坦的路面更被壓毀，擔心大量重型車輛出入會危害市民生命安全，「個路牌寫明七米以上嘅車唔可以駛入（李陞街），依家啲車咁樣亂咁駛入嚟，警方冇理由睇唔到？係咪真係要有意外發生先處理？」
警方發言人表示，為防止車輛違規駛入李陞街，運輸署已在李陞街路口近皇后大道西安裝兩支金屬柱，並於高陞街進入李陞街路口豎立交通標誌，禁止車長超過七米的車輛駛入李陞街。至於有指上址有貨車停泊，發言人則稱，在多次巡查中均未有發現。
「我住喺樓上都冇見過警察嚟巡過，佢哋仲要話冇發現有車停泊，我連相都影埋，仲有假？」方小姐促警方認真處理市民投訴，並加強巡查，避免意外發生。