中環出更：李家仁新作緬懷那些年

一曲兒歌《小明上廣州》唱到街知巷聞嘅兒科醫生李家仁，前排忙於東奔西跑幫幾個區議會選舉候選人站台拉票，搞到冇時間寫新歌，令到一班歌迷粉絲等到頸都長。不過，大家唔使心急，事關李醫生話好快會出新歌喇，仲大爆下一首新歌嘅內容，好可能會同近期一齣大熱嘅台灣電影有關，即係講那些年嘅初戀情懷，估唔到李醫生都識得追上潮流喎。