- on.cc 東方互動主頁
- 4月28日 (一)
尋日區議會投票日，三位疑似特首候選人唐英年（唐唐）、梁振英（CY）及全國人大常委范徐麗泰照樣出動，各有各忙。唐唐早上拖實老婆去山頂德國瑞士國際學校投票，然後同埋囝囝等人到南區鴨脷洲街市買海鮮，然後攞到樓上熟食中心代工作為午餐。唐唐及後再到深灣遊艇俱樂部做健身，直到下午離開，再驅車到跑馬地山崗道馬會會所。
話說唐唐早上投票後約二十分鐘左右，CY兩公婆又到同一票站投票，然後去太子道飲茶，之後再去行花墟，原來佢想去買「朱頂蘭」。但CY話喺飲茶同行花墟嗰陣，有好多市民同佢傾偈合照，搞到佢買唔切花喎。CY於是出席埋下午舉行嘅大埔禁毒活動，同埋去考察完牛頭角下邨後，先返花墟買朱頂蘭，行程非常緊湊。
至於范太朝早就到維園出席明愛賣物會開幕禮，剪綵之後就同香港教區主教湯漢一齊參觀啲賣物攤位。行到某個攤位時，攤位負責人見到范太，開心到即刻衝上前，話要送贈飛機模型予范太，但范太就擰頭示意話唔收得，但范太最後都捐咗廿蚊，買咗四把刀返屋企。范太話，以前收收埋埋好多朋友送贈嘅禮物，有時都會捐予善慈團體做義賣，認真有善心！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
