| 我要讚讚你： | ||
| 我要讚讚你：無私付出 為學生「燒銀紙」 | ||
「華Sir真係好肯為人，幫到人就會覺得滿足！」現已投身社會的志榮，於六年前是華Sir的學生，當時他讀中四，華Sir為該校的實習社工，一直有為同學作升學輔導和免費補習英文，更陪他們走過會考與高考放榜。志榮回憶，當時高考放榜成績不如預期，方寸大亂，華Sir就「好似盞明燈，點咗條路畀我行！」及後志榮修讀副學士，再升讀大學，華Sir亦一直跟進，主動約食飯傾談前路問題。
六年過後，志榮與華Sir由師生關係變成好朋友。對於升學網站，志榮笑言有提醒華Sir「燒緊銀紙」，因為華Sir每月要自掏銀包，花上一千五百至二千元在網站的廣告費和學生資助之上。志榮欣賞華Sir的無私和理念，故加入升學網團隊，主力負責行政和落廣告的工作，「最緊要幫到一啲徬徨嘅人，指條路畀人知，等佢哋多個選擇！」
