政情：八小太空人凱旋歸港

尋日兩位校長現身由美國萬通舉辦嘅小太空人凱旋歸來慶祝典禮，兩位校長都好支持學生參加小太空人計劃。羅曾潔貞校長話，佢自己小時候嘅志願係教書，後來如願投身教育界，佢認為小朋友建立正確嘅價值觀，緊要過讀書成績，所以佢好支持學生參加小太空人呢類計劃。

男拔嘅羅錦麗校長都話，自己細個嘅興趣係音樂，當搵到方向後就全力去練習，雖然做太空人唔係佢杯茶，但就好支持學生藉此開眼界。今年共有八位幸運兒由近二千人篩選出來，男拔就佔咗兩席，真係唔簡單。