無良偽鈔黨到街市呃小販的血汗錢，令街市淪為百元偽鈔重災區，令檔販人心惶惶。在北角渣華道街巿和屯門新墟街市，不少小販收過百元偽鈔。
在渣華道街市經營菜檔多年的七旬女小販「聾婆」，更成為偽鈔黨屢次行騙的對象，原因是她年邁、眼矇及撞聾，收錢時習慣將散紙兜拿給顧客自行找贖，她多次受騙都懵然不知，還拿假銀紙去入貨，蔬菜批發商叮囑其他菜販幫手睇實她，免她再受騙。
另有菜販指，過去亦有其他小販中招，在繁忙時間買菜的人多，生意忙的時候難以逐張檢查清楚，這次警方偵破偽鈔黨，相信有大量百元偽鈔早已流入巿面，因此以後會小心留意真偽，「會聞一聞有冇銀紙味，又會除手套摸一摸。」屯門新墟街市早前亦被偽鈔黨多次光顧，一名收到百元假鈔的菜檔職員表示，「佢趁四、五點最多人嗰陣出手，我哋戴咗手套，摸唔出張錢有問題，無為意就收咗，到收檔埋數至發現。」假鈔湧現，檔販紛紛提高警惕。
本報記者