中環出更：愛女辦學有成 肥亨安慰

年輕人創業，首筆資金好緊要，所以肥亨都有贊助露明開學校。不過，喺財經界身經百戰嘅肥亨就覺得，露明呢盤生意賺錢都係其次，教育理念同愛心先至係最重要。呢兩年畢業禮都係以籌款形式舉行，學生一腳踢開檔義賣自己嘅親手製作嘅精品，為心光盲人學校及奧比斯籌款，去年籌得七萬元以上，今年仲超過呢個數添，所以肥亨覺得「回報」已經好好了。