中環出更：龐太認買陳振聰遊艇

龐盧淑燕前日偕丈夫龐國本出席一項慈善活動時，被問及年前購買陳振聰艘遊艇一事，佢直認不諱，話艘遊艇係兩年前購入。聽聞價錢筍到極，但至於幾多錢，龐太就唔肯透露嘞，淨係話艘船啱佢心水，得閒同家人出海遊吓船河，同幫助陳振聰籌錢打官司無任何關係喎。

好快又到端午節，食埋隻五月糉，天氣將更加炎熱，到時要同陽光玩遊戲，又點少得出海遊船河呢？龐太兒孫滿堂，一家大細出海暢泳樂也融融。