卿姐曾經就泛民參選特首問題同黨友吵過大鑊，今次佢言下之意，莫非係叫泛民唔好再參選幫人抬轎？
卿姐尋日同傳媒大談下屆特首選舉。佢直言，雖然該黨對應否派人參選特首仲未有定案，但認為公民黨黨魁梁家傑參選今屆特首時，效果唔算太好，當時嘅民調結果更顯示袋巾傑冇對手咁受歡迎，令市民覺得即使有「一人一票」，袋巾傑都係慘敗，所以如果真係要參選，一定要派個民望勝過對手嘅人選喎。
卿姐又慨嘆，泛民候選人喺特首選舉上一定輸梗，確實好難說服市民支持，佢言談間講得相當激動，仲口快快講咗個單字嘅疑似粗口，睇嚟佢真係好怨恨呢個小圈子選舉！