笑看天下：高官宜攞廿八元時薪

最近例子便是運輸及房屋局副局長邱誠武，事緣預算案無情情提出增加私家車首次登記稅百分之十五，當局強調加稅可壓抑車輛增長，防止塞車情況惡化。有議員建議寬減環保車徵收首次登記稅及對舊車換新車提供優惠。這建議十分通情達理，政府要改善空氣，用寬免徵收首次登記稅誘發舊車主換環保車，點都好過擴大徵膠袋稅。

然而，邱副局長卻死撐加稅可遏制汽車增長，最荒謬係話環保車亦有碳排放，鼓勵市民買環保車有違控制私家車增長原則。眾所周知，加稅無助壓抑汽車增長，政府只顧向中產開刀，只會令中產積怨加深，社會更不和諧，至於舊車換新車，一架換一架，試問怎會增加汽車流量？

再說，塞車問題主要是巴士路線安排不當，多有重複，尤其是舊型巴士如歐盟二、三期排廢氣量大，如何重整路線，邱副局長卻束手無策，理應學日本首相菅直人，搞唔掂核危機就不領首相人工。今邱副局長答非所問，沒有理據，邏輯混亂，一點分析能力也沒有，佢只宜攞廿八蚊時薪！