政情：丁新豹倡中史教育國民

最近政府有意喺小一至中六設立必修德育及國民教育科，德育及國民教育專責委員會仲建議出年九月先在全港小學推行，到二○一三年九月再擴大到全港中學，結果惹來好多反對聲音，唔知政府事前有冇諮詢吓丁新豹嘅意見呢？如果佢套理論可行，只要強化中史學科，咁就毋須推國民教育「洗腦」喇。

海防博物館日前舉行「天國春秋——太平天國文物」展覽開幕禮，丁新豹都有出席，佢話太平天國影響深遠，天王洪秀全事迹亦影響唔少革命先鋒，但佢熱愛和平，所以自言同革命大纜都扯唔埋喎。