領匯車場滲水「奇觀」

不時途經德田停車場的何太坦言，對停車場設施殘舊見怪不怪，「個停車場爛咗好耐啦！」說罷更隨手取下牆身的剝落石屎，頓見底層鋼筋盡現，「輕輕掂一下就拎到落嚟，你話係咪早就要維修？」

記者發現，停車場內不但多處牆身及天花石屎有剝落危機，多條喉管更有銹蝕情況，其中一條喉管上更出現數條鐘乳石，地面更有疑似青苔沉積物，面積足有成年人手掌般大，「嗰條都唔知係咩渠，有乜理由會滴出咁多條鐘乳石？」有居民懷疑涉事水管屬污水渠，擔心受銹蝕影響隨時爆裂。領匯發言人表示，有關渠管並非污水渠，但對停車場長久未有妥善維修的指摘，發言人僅稱正安排為整個停車場進行改善髹漆美化工程，屆時將優先維修損壞喉管，惟未能提供開工及竣工資料。

吋長鐘乳石	天花石屎欲墜	大片青苔

投訴多年 小修小補了事

「連鐘乳石都有埋，可以諗到問題出現咗幾耐！」觀塘區議會房屋事務委員會主席柯創盛表示，早在年多前已反映有關問題，惟領匯一直未能提供維修時間表，「幾時會做維修、幾時做完、會點搞，領匯咩都唔肯交代！」柯創盛狠批領匯每遇問題才「小修小補」，反映管理策略欠缺長遠計劃，「總之就係加租快，維修慢，加咗嘅租一啲都唔值！」

立法會房屋事務委員會副主席王國興則直指領匯「冇壓力唔做嘢」，而石屎遇潮後容易剝落，若石屎擊傷途人，後果堪虞。王認為，領匯作為上市公司，有責任向市民大眾作出交代，「唔可以一句落實就算，幾時招標、幾時開工呢啲事都要向公眾交代！」

記者　梁卓怡