跳至主要內容​跳至主目錄​

政情:李雲迪選美着重氣質

國寶級「鋼琴王子」李雲迪因贏得國際蕭邦鋼琴大賽冠軍而一舉成名,被譽為浪漫派鋼琴大師接班人,佢尋日宣布會為亞洲電視二○一○亞洲小姐競選擔任評判,都話明要睇吓參賽者有無蕭邦嘅浪漫、優雅氣質!

李雲迪話,今次係第一次擔任選美評判,但係都唔擔心,因為自己每日都沉醉於音樂美之中,所以對「美」都有番咁上下心得喎。佢話就好似音樂一樣,美係人體自然散發嘅氣質,而佢話因為自己最愛蕭邦嘅音樂,所以參賽者最好都係有浪漫個性、高貴舉止,咁樣佢先容易畀高分。參選佳麗都明喇,不過氣質係唔可以整容咁一時間整出嚟嘅。

對於內地甘肅舟曲發生泥石流災難,李雲迪就話一直都有留意災情發展,希望可以從唔同渠道去幫忙賑災,包括義務表演。今年亞洲小姐競選其他評判仲包括國際建築師Philip Cox、珠寶首飾設計師羅啟妍、日本歌舞伎大師坂東玉三郎同本港企業家朱李月華。

人人做記者
爆料方法 :
爆料熱線: (852) 3600 3600電 郵: news@opg.com.hk網上爆料
傳 真: (852) 3600 8800手機網站: m.on.cc
SMS: (852) 6500 6500MMS: ireport@on.cc
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。
本網站已採納無障礙網頁設計。如閣下對此網站在使用上有任何查詢或意見,請以下列方式聯絡我們。 電郵 : enquiry@on.cc
東方日報香港人的報紙 必然首選 連續49年銷量第一