中環耳目：環保海鮮林健鋒梁君彥食得放心

歎鮮味龍蝦湯

卓妮早前去Dot Cod食飯，遇到Jeffrey與Andrew同枱歎緊鮮味龍蝦湯，Jeffrey仲柯打多一碟靚魚柳，食到舔舔脷。佢大讚食物環保又好食外，餐廳又近立法會，夠晒就腳。講咗咁耐，究竟「環保海鮮」係乜東東呢？其實係指海鮮嘅捕撈和養殖方法對環境影響較小。

記得旅遊發展局主席田北俊都經常會去幫襯，有一次就見到田少同愛兒田啟文同埋新抱喺Dot Cod撐枱腳。

Dot Cod有多款環保海鮮菜式，包括阿拉斯加三文魚、北美銀鱈魚等，而「炸雲吞」亦做得出色，另一味「炸龍脷魚柳」亦係熱賣小吃之一。