政情：李家祥去外蒙辛苦值得

Eric前日與千金、太太入沙田馬場湊熱鬧，不過鍾意睇馬嘅唔係Eric，而係囡囡至真。為咗睇馬，一家人將會闖蕩外蒙大草原，欣賞駿馬奔馳嘅壯觀場面。Eric話，呢個主意由囡囡提出，講明係辛苦團，佢同太太起初都猶豫咗一陣，但諗深一層，難得囡囡唔嫌父母麻煩，仲做埋領隊，捱吓苦都係值得嘅。

「那達慕大會」係乜？李太話，呢個係當地最盛大節日之一，屆時將有摔跤、騎馬同射箭比賽，蒙古人會着上節日盛裝，頭包彩巾，一片熱鬧歡騰。不過去外蒙每人只可帶少於十五公斤行李，Eric話打算帶舊衫去，一路玩一路丟衫，騰出空位買手信喎。