政情：2L齊留港孖住睇世盃

卓妮尋日喺中環，撞到佢哋兩個啱啱食完飯，家陣全城熱話世界盃，據知佢兩位都係愛波之人，唔知又會唔會去現場感受吓氣氛呢？Jeffrey話，現場就唔會去喇，佢選擇留喺屋企歎冷氣睇直播。Andrew都係一樣，冇打算去南非睇波，打算留喺香港睇，不過原來Andrew屋企冇裝有線電視。Jeffrey一聽到，即時拍心口話冇問題，預埋Andrew去佢屋企睇波，仲會包埋零食飲品，仲強調，屋企嗰部係高清大電視，呢個兄弟都算唔話得。

Jeffrey又話，依家構思緊一個「亞洲之旅」，打算喺立法會休會期間去幾個亞洲國家觀光，實際地點仲考慮緊。Andrew就話，自己喺休會期間會留喺屋企抖一抖，同埋照顧吓家族生意。