LUMIX G85聚焦堆疊自選Sharp位

影相最忌係手震同走焦（Out Focus），所以Panasonic之前就玩過「先影相、後對焦」嘅Post Focus功能，等用家唔怕對錯焦。全新無反LUMIX G85將呢個功能昇華，特別加入聚焦堆疊（Focus Stacking）新玩法，想Sharp邊度由你話事。

想Sharp邊度一篤搞掂！（設計對白）<br>LUMIX G85<br>售價：$7,790（淨機身）、$10,990（連14~140mm鏡頭套裝）

想Sharp邊度一篤搞掂！（設計對白）
LUMIX G85
售價：$7,790（淨機身）、$10,990（連14~140mm鏡頭套裝）

景深自由調節

新一代無反LUMIX G85擁有防塵防水滴機身，外觀跟上代G7沒太大分別，但功能進一步提升，最大賣點當然係聚焦堆疊功能，影相時相機會掃齊49個對焦點，配合DFD對焦技術以縮短對焦時間，之後用家便可揀選想Sharp嘅位置，最過癮係可以Sharp一個位，或者成張相都Sharp晒，景深嘅深淺任君調校。不過玩聚焦堆疊時，建議以腳架輔助和拍攝靜態主體，若然拍攝動態主體的話，堆疊合成的相片有機會出現崩壞情況。

LUMIX G85內置1,600萬像素M4/3片幅感光元件，支援4K拍片質素。	設有236萬點高質電子觀景器，取景畫面光猛，顏色豐富。	內置雙影像防震系統，運作原理是結合機身及鏡頭防震。
頂部設有一個模式轉盤和兩個操作轉盤，以便快速調校設定。	唔單止提供4K拍攝模式，亦有聚焦堆疊功能選項。	除了配備內置閃光燈，亦設有Hotshoe可加插閃光燈。

相機鏡頭雙料防震

新機支援雙影像防震系統，能夠啟動機身五軸防震，並同時使用鏡頭兩軸防震，就算手持拍攝都唔怕令相片鬆郁朦。拍片方面則提供4K@30p畫質調校，另內建4K照片功能並支援3種拍攝模式，能以每秒30格速度拍攝4K影像，然後讓用家從中擷取約800萬像素相片。此外，機背配備236萬點高質電子觀景器，又有3吋側揭式觸控屏幕，以便不同角度取景和快速操作。