太空西遊記搪膠蠢樣先啱Feel
無論Figure做工幾精細都好，玩得多總會厭，反而Vintage嘢久不久就會翻Hit。本地玩具廠工匠堂，繼《足球小將》搪膠一炮而紅後，今次挑戰松本零士名作《SF西遊記StarZinger》（港稱太空西遊記），特別推出主角孫行者、豬八戒及沙悟淨，三劍俠搪膠又要威又要戴頭盔，露出雙眼嘅蠢樣忠於當年動畫原味。一於請工匠堂主腦David現身說法，剖析創作心路歷程。
線條比例準確拿捏
工匠堂主腦一向甚少露面，小記跟David談搪膠談得興起，才破例做訪問。身為70後的David表示：「孫行者身為改造人，每次踏上飛船『飛星車』揮舞『宇宙棒』跟敵人作戰，都覺得好有型。」雖然當年「飛星車」有合金玩具賣，但3位主角公仔卻欠奉，為了填補童年回憶，遂出手製作搪膠Figure。「同之前《足球小將》剪裁簡單的波衫不同，《太空西遊記》主角的盔甲較為複雜，由開模時間、控制搪膠爐技巧，以致人手上色等工序，每個步驟要保持質素都是考驗。」加上角色線條不一，如孫行者勻稱、豬八戒矮胖、沙悟淨高瘦，既要顧及原著神髓，又要做到搪膠獨特的蠢樣，相當考造型師功夫！
松本零士都Like
達成童年夢想當然感動，但最感滿足的是獲得原作者松本零士讚賞。David道：「去年尾見到松本零士老師，冒昧將3款搪膠樣辦交給他觀賞，估不到他相當喜歡孫行者呢！」其實開發孫行者時，單是造型已花了不少時間，例如額頭的金剛圈塗裝，以及脫下頭盔後頭髮上翹形態，都經過反覆調整。小記最欣賞豬八戒，以肚腩圓盾撥輪來召喚流星車，以及沙悟淨的可動髮尾。
《足球小將》成契機
工匠堂以搪膠公仔成名，David坦言原意並非如此。「原本想做《足球小將》可動人偶，但研發成本高昂，加上沒有相關設計經驗，故玩開大膠的夥伴才提議以搪膠試水溫。」2014年試辦期間適逢原作者高橋陽一來港，獲得老師肯定後加上不少粉絲支持，才增強了他們的信心。「可能戴志偉的小學造型跟搪膠蠢樣匹配，加上當時坊間並無同類產品，才得到正面回響。不過單是炮製戴志偉頭髮的飄逸感便花了很多時間，為此跟夥伴吵過架，甚至有員工頂唔順辭職，幸好最終成功才肯定了我的堅持。」
超人玩具Wong Sir：「玩搪膠要用風筒！」
《足球小將》搪膠的出現，間接令市場多咗批搪膠「新手」，而超人玩具老闆Wong Sir就教大家保養貼士：「搪膠換件時切忌強行拆除，應先以風筒令部件軟化，否則會扯鬆連接位。其次是香港氣候潮濕，長時間擺放有機會令表面溶膠變黏，此時只需以洗潔精清理再風乾即可。至於收藏玩家，切勿讓搪膠玩具長時間直立受壓，因為冷縮熱脹會導致玩具長短腳，影響收藏價值。」
撰文：廖俊斌
攝影：盧展程
查詢電話：2366 2688