Ties型男專屬

男士恩物

有關領呔的起源可以話眾說紛紜，甚至有傳言指這種好鬼西洋的配飾其實是源自中國，有說位於西安的皇帝墓地，已發現陪葬的兵馬俑頸上戴有領呔！不過大部分資料都是指最早戴呔的是羅馬士兵，以領呔代表其所屬隊伍。

現代版領呔於17世紀由克羅地亞傳到歐洲，當時於法國服役的克羅地亞軍人頸上戴有綁上小結的小絲巾，引起愛姿整打扮的巴黎人注意，就有樣學樣戴上頸纏條小巾，仲將這小配飾叫作Cravate。其後這種新興配飾傳遍歐洲掀起熱潮，男男女女都戴埋一份。之後此小圍巾慢慢演變，到1920年代開始，現代的領呔同煲呔開始成形。依家每年10月18日更定為國際領呔日，好多地方包括克羅地亞、東京及悉尼等都會慶祝這男士恩物的誕生。

E. Marinella粉紅色領呔 $2,500 （a）	E. Marinella灰色圖案領呔 $3,000 （a）	Hermès藍色浸染圖案領呔 $1,640 （b）

第1誡：點到即止

打呔長短最難搞，太短或太長都顯得又笨又娘，究竟要幾長先係最佳？原來正宗打呔長度是呔的尖端剛好在皮帶位的闊度範圍內就為之最Good Fit。不過領呔長度來來去去差不多，每個人身高各有不同，要做到點到即止確係有難度，所以E. Marinella首次在港提供Made-to-Measure領呔訂造服務，實在貼心。

E. Marinella黃色圖案領呔 $2,500 （a）	Hermès紅色馬蹄絨駿馬圖案領呔$1,640 （b）	E. Marinella深藍色馬年限量版領呔$1,800 （a）

第2誡：瞻前顧後

做一個優雅Gentlemen係要瞻前顧後內外兼備，唔止領呔前幅要講究，就連收埋於後面的領呔「脷」都同樣要講究，冷不防一時間大動作條脷走咗出嚟，被人發現鱷魚頭老襯底就陰功。最Perfect就係領呔前後幅長度一模一樣對到齊，齊齊整整達到「Neat and Tidy」的要訣。

第1誡	第2誡	第3誡 9褶領呔

第3誡：愈摺愈強

咪以為領呔就咁用幾塊小布縫埋一齊就得，高級領呔其實係可以由一塊布摺出來，仲分為5-Fold、7-Fold同9-Fold，即5/7/9褶。搞到咁鬼複雜唔係為了Detail而Detail，而係與重量及戴出來的效果有關。領呔褶的構造是為了增加縫製的厚度，讓領呔擁有更厚實的感覺，及更佳的懸垂性及較闊的領呔結。當然愈多褶愈重身就代表製作難度愈高，品牌如Hermès就有推出5褶及7褶的領呔，不過現時全世界可以製造9褶領呔的，就只有備受總統及名流追捧的意大利殿堂級領呔品牌E. Marinella。

5褶領呔	第4誡	第5誡

第4誡：對花公子

唔止名牌Monogram手袋要對花，就連名牌領呔上，細至一點的花紋圖案都要對花；所謂對花係指由尖端位為中軸，兩邊的花紋都要對稱，而後面固定條脷的小橫帶，圖案排列次序亦要同領呔上圖案一樣，對到正。

第5誡：解除束縛

成日流流長條頸被條領呔綁住的確唔係咁舒服，所以一有機會男士們都鍾意解除束縛除低條呔，不過解除束縛的同時，亦請鬆綁條呔！鬆開小小結除咗佢，Keep住個領呔形狀，第二日即刻戴番雖然係好方便，但其實咁樣會好Hurt條呔，想條呔保養得好，晚上應該解開個結同拉直掛起。

第6誡：打出風格

斜紋代表勇敢決斷、細花代表體貼溫馨、圓點代表愛慕關懷……其實唔止領呔圖案同顏色代表個人風格，就連領呔個結都有唔同打法，演繹唔同個人風格，甚至有領呔達人將條領呔打出一個煲呔！文字演繹就真係太複雜抽象，千字文都難以交代，右圖就是最常見領呔打結方法之一的Windsor Knot，同場醒埋個Advanced Level領呔變煲呔玩法畀大家，各位型男學嘢啦！

數字人生：Lee

5 牛仔褲上設有5個口袋，比一般的多出一個。

13 當年101系列牛仔褲採用13oz的丹寧布製作。

16 101+限量系列改為採用16oz的重磅丹寧製作，並限量1,250件。

89 1889年由Henry David Lee於美國堪薩斯州成立。

101 1924年101系列牛仔褲正式誕生。

125 2014年為品牌創立125周年紀念，特別於1月25日推出101+限量系列。

撰文：朱寶茵　

部分攝影：梁偉德

查詢電話：（a）2363 6763（b）2907 2974