辣招變散貨催化劑

政策嚴苛令前路坎坷？原來不是必然！上月尾公布的加大力度新修訂環保汽油私家車標準，令47款合資格車型，在4月1日開始只得15款可以留低。驟眼看新標準更嚴苛，令一批的「末代環保車」冇晒前途。不過代理一招反客為主，贏盡商機！每逢年尾年頭，代理都要諗噱頭清走現貨，過往的「去年新車」減價加送禮已不是靈丹妙藥，新認可標準卻演變成散貨催化劑。記得上年的修訂出籠後，一度出現搶購潮，很多代理2月下旬已將現貨沽清，可是時間上又趕不及返新貨，個個喊「揼」！吸納經驗後，今年代理有備而戰。政府甫出辣招，他們立即「迎合」，除了以「最後減稅優惠」招徠外，還有提早返貨，甚至提早預訂服務，務求貨源充足，讓準車主趕上「環保尾班車」。甲午馬年是好兆年，各位不妨趁農曆新年前出車，今期內容或會幫你覓得心頭好。祝馬年行大運、馬到功成！