電視劇經常出現以下場面：太太從洗手間出來，手中拿着驗孕棒，含羞答答地對丈夫說：「我……好似有咗！」丈夫聽了，頓時雙眼放光，一臉歡喜若狂 （假如是韓劇，丈夫一定會立即流淚），然後撲上前，捉着太太雙臂， 浮誇地說：「真嘅？」太太點頭，丈夫便緊緊的擁着太太：「放心，我會照顧你哋一生一世！」兩人相擁而泣……
本人謹向各位準媽媽表明，以上只是電視劇創作橋段，千萬不要期望你的丈夫或男朋友會出現以上反應。
日前與幾位爸爸聚會，大家談到當日得知太太「有喜」時的即場反應。爸爸A（女兒已15歲）說：「我當年的反應是目瞪口呆，即今天所說的『O嘴』，呆呆的對着太太良久。」爸爸B （兒子3歲，女兒1歲），第1胎，他禁不住衝口而出：「吓？唔係呀話？」第2胎，他略為收斂了（因為吸取了嚴重的事後教訓），強顏歡笑地說：「咁咪幾好！」可惜，他低劣的演技出賣了他 （所以他再領教嚴重的事後教訓）。至於爸爸C（兒子8歲），竟然第一時間問：「咁我哋下個月仲去唔去到旅行？」
至於他們的太太，看見孩子的父親竟然出現如此無奈、苦惱、錯愕、難以置信等表情，當然大失所望，有人當場痛哭，有人質問：「你係咪唔想負責任？」 有人甚至要生要死，總之，丈夫事後都要費盡唇舌地解釋，挽回太太的信心和信任。
還有一位爸爸D，即本人，由於擁有多年的電台操練及微薄的演戲經驗，當日聽到太太宣布「中頭獎」時，我馬上演出電視劇 （港劇層次）的興奮表現，太太也總算「收貨」。但當時內心的「表情」，實際上與馬國明出席電視頒獎禮時的經典表情無異。女士們或許會問，為何男人聽到「有喜」時通常都「冇喜」? 請先別怪責你的男人，當中其實大有文章，明天續談。
網址：blog.sina.com.cn/bennylau25